Dramatisk lokaloppgjer: Selje - Tornado Måløy 1-1

I ein spennande kamp framfor heile 291 tilskodarar, vart det poengdeling i lokaloppgjeret i 3.div. mellom Selje og Tornado Måløy i kveld. Selje var millimeter frå å få ein knallstart på kampen etter frisparket frå Karl Erik Aarsheim som small i innsida av stolpen. Deretter tok TMFK gradvis over og scora etter 30 min. spel. Etter pause var det Selje som kom på offensiven og gjennomførte ein sterk 2. omgang. Scoringa til "Kalle" Aarsheim med mottak, vending og eit velplassert skot var det klasse over. Selje trykte på for scoring og TMFK var heldige som fekk med seg eit poeng slik kampen utvikla seg. Keeper Per Magne Løken redda straffa frå Kai Arne Otneim,  og banas beste spelar Espen Nøstdal smelte ballen rett utanfor etter eit flott angrep. Les meir: www.haugenfotball.no           Kampfakta: www.firda.no

Kalle har nettopp sett inn si fantastiske skoring