29.07: Selje - Fjøra 1 - 1

Laurdag møtte Selje, Fjøra i strålande vær i Selje Idrettspark. Nok ein  gang holdt det ikkje heilt inn for oss guttane. Fjøra fekk med seg eit poeng innatt.

Selje var veldig tente foran oppgjeret, og med Jan Runar Trandal tilbake på laget etter sitt låneopphald i bergensklubben Baune bidro det til at ein fekk ein enda større innsats og engasjemang blant spelarane. Kommunikasjonen kom og laget hang veldig godt saman.

Etter 39min kjem øybelikket då Selje skorar 1-0 målet. Ei perfekt langpasning i bakrommet bak forsvaret til Fjøra, frå Espen Nøstdal blir plukka fint ned av Kenneth Pedersen, som plasserar ballen sjanselaust bak Fjøra-keeper Bjarte Hovland. Hovland spelte forøvrig ein god kamp i målet til Fjøra.

Vi hang spelemessig bra med, og hadde fin balanse i laget. Og Selje gikk til pause med 1-0 leiinga, i ein omgang der vi hadde hatt mange store sjansar, blant anna eit skot frå Trond Hamre som sneik seg like utanfor stolpen.

2.omgang vart litt meir periodevis, spelarane vart tydeleg sletne av det varme været. Selje var det beste laget fram til det gjenstod 10-15.min, då kom det ein skikkelig sluttspurt frå Fjøra.

Fjøra er gode på dødballar, dette visste vi på forhånd. Og sjølv om vi klarte å rydde unna kom Fjøra 2.min på overtid.

Eit corner vart slått inn på bakerste stolpe og der stod Torbjørn Ylvisåker og heada ballen kontant i mål.

Litt typisk at vi fekk dette målet i mot på slutten og at vi ikkje sett sjansane våre. Etter mi meining burde vi ha avgjort lenge før. Men slik gikk det ikkje i dag.

Ein god kamp av Selje, og i dag løfta vi oss mange mange hakk i forhald til forrige kamp mot Skavøypoll.

Kjekt å møte Fjøra, eit kjekt lag å møte, med mange gode spelarar og gode haldningar.

VI håpar å møte dykk også neste år.

No ventar ei god treningsveke før vi på fredag tek turen til Dale. Ein knall tøff kamp, som vi skal gjere alt for å ta poeng i.

*Kenneth Pedersen spelte ein strålande kamp og vart kåra dagens heimespelar av ein lokal jury, i tillegg fekk Pedersen, Firda-stjerna.

*Werner Kupen spelte dei siste 15.minutta. Noko som var svært kjekt å sjå. Vanskelig å sjå at Werner har vert ute sida februar. Men desverre for Selje, var sannsynlegvis dette den einaste kampen Werner fikk for Selje i år, då han snart skal opererast for ein avreven brystmuskel.

HEIA SELJE!