02.06: Paneda heiar på lokalidretten!

Paneda støttar idretten i Selje

OOddvar Flølo er oftast å sjå på kamp når A-laget spelar. I fjor vart ideen om ”Panedasvingen” lansert. Som sagt, så gjort…. no er ”Panedasvingen” blitt ein realitet. Over 80 meter stadionskilt med påskrifta: ”Paneda – heiar på lokalidretten”, er på plass på Selje Idrettspark.

Vi har teke ein prat med Oddvar Flølo, og spurt om kvifor Paneda har valt å gå inn som ein stor sponsor til Selje IL.

”Paneda har ikkje særleg behov for reklame eller marknadsføring her lokalt, for vi har markedet vårt uansett. Men vi likar å vise at vi er eit stabilt og godt selskap, og vise at det går an å få til noko. Vi vil bidra til ei positiv utvikling, og synest det er kjekt å vise igjen her i bygda.

Idrett og fotball er ein stor og svært viktig aktivitet i lokalmiljøet vårt, og som engasjerer veldig mange barn, unge og vaksne. Og Seljecupen er eit fantastisk arrangement som skapar identitet og gjev mange positive ringverknader. Det er flott å kunne vere med å støtte Selje Idrettslag, og bidra til at vi kan utvikle og oppretthalde aktivitetane som vi har i Selje”, seier Oddvar Flølo.