Vi gjenskaper suksessen frå i fjor og har også i år gleda av å kunne invitere deg til uhøgtidleg romjulsmoro for vennelag i gymsalen på Selje Skule. Turneringa går av stabelen tysdag 29.desember, der både mosjonistar, tidlegare seljespelarar og dagens seljespelarar kan samlast.

Dette blir ein god moglegheit for å treffe venner og gamle kjente.

Sjå invitasjon ved å klikke her: Romjulsturnering 2009

Selje IL arrangerer også i år den populære "ribbetrimmen" 2.juledag, kl.14.00. Nytt i år er at barna får nissemedalje....

Vi håpar det vert mange små og store nissar å sjå! Velkommen! Pris: Familie 50,- Vaksne 20,- Barn 10,-

Det vart ei fin markering av at lysløypa og juletreet på Risnakken er tent. Det var stint av folk som samla seg utanfor Selje Hotel, med utsikt rett mot lysløypa og juletreet på Risnakken.

Stor takk til alle som bidrog og gjorde dette til ei kjekk stund: skulekorpset og drillen, Coop Prix og Selje Hotel som sytte for gløgg og brus.

Ei stor takk går også til dei to "dugnadsbasane" i prosjektgruppa: Harald Myklebust og Gunnar Silden. Dei to fekk Selje IL-tursekk som takk for innsatsen så langt.

Etter orientering om prosjektet ved den tredje i prosjektgruppa, Atle Solheim, talde alle i kor ned til 0 og julegrana vart tent til stor applaus frå alle frammøtte. Risnakk-løypa er med og gjev aktivitet og trivsel, og har hatt utruleg mange besøkande sidan stien begynte å ta form.

I fjor kom Selje på ein fin 28.plass blant idrettslag under 500 medlemmar. Kan vi greie å bli enno betre i år? Du kan no stemme på Selje - "Klubben i mitt hjerte" t.o.m. 20.november. Du kan stemme ved å trykke på linken nedanfor eller gå inn på www.idrett.no. Du kan gje di stemme ein gong pr. dag. Tips venner og familie, og ver med å stemme fram Selje......                  

Selje kom bra i gong, og viste mykje bra fotball i 1.omgang. 1-0 kom etter 28min ved Kristoffer Hove. Målet kom etter eit bra angrep, skot frå Endre Kupen og retur der Kristoffer curla over keeper frå 12-13m hald.

Endre Kupen la på til 2-0 etter 44min, då han avslutta frå skrått hald i lengste hjørnet. Selje leia fortent til pause.

Selje begynte best også i 2.omgang, men det vart Saga som scora etter 59min spel. Saga kom i angrep, linjedommar vinka for offside, Seljespelarane stoppa litt opp, men dommaren stoppa ikkje spelet. Tom-Øyvind Solheim rykka ut og felte Sagaspelaren, og dermed straffe og scoring for heimelaget. Saga utlikna til 2-2 etter 65min. Selje laga eit litt unødvendig frispark midt på eigen halvdel. Frisparket vart slått inni feltet og heada i mål. I denne perioden av kampen var Selje rufsete.

Selje gjorde eit par rokkeringar på laget, og det gav etter kvart resultat. Selje tok meir tak i midtbana, og begynte etter kvart å ta litt over igjen. I det 90min hadde Kenneth Pedersen ein stor sjanse, men fekk ikkje skikkeleg treff etter at han dempa ballen på brystet og avslutta.

Men kampen var ikkje slutt, heile 5minutt vart lagt til. Med eit halvt minutt igjen av kampen sende Tom-Øyvind Solheim avgarde eit langt oppspel, Kenneth Pedersen skrensa ballen vidare på hovudet, og Ole Andreas Solheim kom på løp bakfrå og kippa ballen over keeper og i mål. 3-2 til Selje og ellevill jubel.

Seljetrenar Idar Taklo var svært så fornøgd med seier i siste kamp: "No sette vi eit verdig punktum for ein flott sesong. Kampen sett under eitt synest eg vi var det beste laget, og vann fortent. Det er kjekt å sjå gleda som gutane viser når vi scorar og vinn igjen. Alle er storfornøgde med gjennomføringa av sesongen. Vi gledar oss over ein solid tredjeplass til slutt. Vi gjorde jobben, men Sandane vann som forventa, og vi gratulerer dei med opprykk til Firdaligaen."  

Selje hadde berre 12 spelarar disponible til dagens kamp. Trenar Idar Taklo synest det var mange som gjorde ein solid jobb, men framhevar Espen Nøstdal som gjorde ein god kamp.

Seljes lag: Tom-Øyvind Solheim, Martin Hove, Andre Kupen, Espen Nøstdal, Kristoffer Hove, Frode Nøstdal, Kennet Honningsvåg, Kristoffer Nøstdal (Aleksander Kvernevik frå 80min), Kenneth Pedersen, Endre Kupen, Ole Andreas Solheim.

Foto: ©Stig Høynes, www.haugenfotball.no

Selje har god grunn til å vere fornøgde med sesongen, same korleis det går mot Saga i morgon, seier Taklo. Vi sikra 3.plassen sist helg, så årets sesong har vore ein suksess, uavhengig av om vi kaprar 2.plass og opprykk eller ikkje.

"Eg er heilt avslappa i forhold til situasjonen, men det hadde nok vore annleis om det var vi som var i førarsetet. Dette er ikkje i våre hender og eg trur at Sandane sikrar opprykket i morgon. Dei har levert så bra i haust at det vil overraske om dei feilar....... men i fotball kan alt skje", seier Taklo.

Vi må berre fokusere på vår jobb, og det er å gå for tre poeng mot Saga. Men vi veit at dette er ein vanskeleg bortekamp, for Saga har også vore sterke i haust.

Vi hadde eit svært vanskeleg utgangspunkt før årets sesong. Det var i forkant av sesongen stor usikkerheit om kva spelarstall vi ville få tilgjengeleg. Men viktige brikker datt på plass etter kvart, og vi gjorde ein vårsesong i overkant av dei forventningane vi hadde. I haust har vi nådd målsettinga om å ta endå fleire poeng og score fleire mål enn i vårsesongen. Vi har variert i kvalitet og prestasjonar i løpet av året. Det har hatt samanheng med kva spelarar vi har hatt disponible, og det at vi har mange spelarar som bur borte vanskeleggjer treningsarbeidet. 

Uansett korleis det går i morgon, vil vi som klubb vere kjempefornøgde med tredjeplassen vi har sikra, i staden for å vere misfornøgd med andreplassen vi ikkje fekk, seier Taklo.

Det er alltid kjekt å vinne fotballkampar, og vi håpar på ein ny seier mot Saga. Dersom så skulle skje at vi vinn og Sandane avgjer poeng, slik at det blir vi som rykkjer opp i Firdaligaen er det ei utfordring som klubben må ta. Men det får vi eventuelt ta igjen søndag ettermiddag, avsluttar Seljetrenar Idar Taklo.        

Det vart siger i årets siste heimekamp på Selje Idrettspark- Stillinga var 0 - 0 til pause, då etter ein svært skuffande 1.omgang. I 2.omgang viste Selje igjen kva som bur i dette laget, og tok sin tredje trepoengar på rad.

Kenneth Pedersen spelte ein god kamp i dag og toppa det heile med ei strålande scoring. Foto: ©Stig Høynes, www.haugenfotball.no

Selje har stilt med ein god tropp dei siste kampane. Men i dag mangla fleire spelarar pga. skade, jobb, skuletur..., og det måtte gjerast ei rekkje endringar frå sist helg. Årdal på si side kom til Selje med berre 12 mann.

Selje scora på sin fyrste sjanse i kampen alt etter 4min spel. Eit innlegg hamna i beina på Werner Kupen som skaut via ein forsvarar, i tverrliggar og ut i feltet. Der stod Aleksander Kvernevik og fekk pirka ballen over streken frå kort hald. Dermed 1-0 til heimelaget. 3 minutt seinare var det Årdal2 sin tur, på sin fyrste sjanse i kampen. Steffen Roald Jacobsen kom fri litt skrått til venstre innanfor 16meteren, og skaut inni det lengste hjørnet. 1-1.

Selje fekk etter kvart bra flyt i spelet og spelte bra fotball den neste halvtimen. Etter 18min mølje i målfeltet til Årdal, og Kristoffer Nøstdal fekk kjempa inn 2-1 leiing. I det 25min sende Endre Kupen avgarde eit hardt frispark frå 25meter, keeper redda og Aleksander Kvernevik fekk nesten foten på returen på kloss hald. Selje hadde ballen mest, men Årdal var på nokre visittar som var farlege nok. Etter 28min vart det 2-2, etter at Johnny Aspesæter kom åleine mot Tom-Øyvind Solheim og avslutta frå 8-9meter.

I det 40.min. fekk Selje frispark heilt ute på sidelinja, midt på Årdal sin banehalvdel. Endre Kupen sende frisparket mot bakerste stolpe. Keeper feilberekna og ballen går over keeper, i stolpen og inn. Dermed kunne Selje gå til pause med 3-2 leiing. 

Fyrste halvdel av 2.omgang var ganske jamnspelt, men det kom sjeldan til meir enn halvsjansar. Etter 68min god Seljesjanse, då Werner Kupen skaut hardt rett på keeper. To minutt seinare ny kjempesjanse: Endre Kupen la inn frå sida og Aleksander Kvernevik heada i stolpen og ut. Årdal hadde ei farleg kontring etter 82min. Eitt minutt seinare fint Seljeangrep, der Anders Rekdal la hardt inn frå venstre og Aleksander Kvernevik avslutta frå 5-6 meter, men rett på keeper.

Selje var i føringa og burde ha punktert kampen utover 2.omgang med ei ny scoring. Etter 85min eit fantastisk dribleraid av Endre Kupen, då han gjekk forbi 5-6 Årdalspelarar, før han avslutta rett utanfor stolpen. Når Selje ikkje scora, gjekk det som det brukar å gå.....motstandaren får sjansen.... Årdal2 fekk ein kjempesjanse etter 89min, med skot frå kort hald som gjekk like utanfor. Eitt minutt seinare nådde ein Årdalspelar høgast på eit langt framspel, men headinga gjekk utanfor. Dermed ebba kampen ut med 3-2 og ny heimeseier for Selje.

Seljetrenar Idar Taklo var fornøgd med ein ny 3-poengar: "Vi gjekk på bana for å vinne, og det gjer vi. Vi viser igjen at vi er eit godt heimelag. Vi stilte med ein redusert tropp i dag. I tillegg var det usikkert heilt til kampstart om Werner og Frode greidde å spele, men begge fullførte trass i at dei slit med skade. No håpar vi at vi har fleire spelarar disponible neste helg, og satsar på å vinne også den siste heimekampen", seier Taklo.

Dagens Seljespelar (kåra av jury): Endre Kupen

Tilskodartal: 86

Seljes lag: Tom-Øyvind Solheim, Martin Hove, Andre Kupen, Espen Nøstdal, Joachim Refvik, Frode Nøstdal, Aleksander Kvernevik, Kristoffer Nøstdal, Kristoffer Hove (Anders D. Rekdal frå 77min), Endre Kupen, Werner Kupen (Alexander Hove frå 90min).

Selje tek imot Årdal 2 til ny heimekamp på Selje Idrettspark, søndag kl.15.00. I vårkampen vart resultatet 2-2. Kan Selje greie å følgje opp med ein ny seier? Velkommen til kamp! Heia Selje!

Det var Askvoll/Holmedal som fekk den fyrste store sjansen i kampen etter 3min. Men Tom-Øyvind Solheim parerte fyrst avslutninga, ballen gjekk ut i feltet og skotet vart redda på målstreken. Selje scora på sin fyrste sjanse i kampen etter 5min. Ole Andreas Solheim vart spelt fri på venstrekanten, avanserte framover, og skaut lavt og hardt i mål. Dermed 1-0 til heimelaget.

Kampen var jamnspelt og det bølga litt fram og tilbake. Endre Kupen hadde ein bra sjanse etter 20min med skot like utanfor, og Ole Andreas Solheim sende avgårde eit skot innanfor sekstenmeteren, men skotet vart blokkert av ein lang fot. I det 35.min knalla Ole Andreas "Oen" Solheim inn 2-0 via tverrliggaren. Same spelar hadde også eit skot frå skrå vinkel som traff utsida av stanga i det 40.min. Selje kunne gå til pause med 2-0 leiing, i ein forholdsvis jamnspelt omgang.

Askvoll/Holmedal skapte ny spenning i kampen i det 57.min, då eit innlegg mot bakerste stolpe vart heada i mål. Runar T. Aarsheim hadde ein stor sjanse etter 59min, då han "skrensa" eit innlegg like utanfor. Etter 65min fekk Selje frispark på sekstenmeteren, etter at keeper hadde teke ballen med hendene utanfor streken. Endre Kupen smelte frisparket i krysset og ut.

Etter 71min gjekk Selje opp til 3-1. Endre Kupen la ein perfekt corner, som hamna ut i feltet, der Andre Kupen stupheada frå 5meter rett i mål. Nokre minutt seinare la Endre Kupen igjen inn frå corner, Andre Kupen skaut men keeper redda og ut til ny corner. Igjen perfekt corner frå Endre, og ballen hamna til slutt hos Andre Kupen, som skaut ballen i mål via stolpen. Dermed 4-1 til Selje og kampen var i realiteten avgjort.   

Men Selje skulle få endå ei scoring. Runar T. Aarsheim kom fri åleine med keeper etter eit innlegg og scora kontrollert. Dermed 5-1 til Selje etter 78min. Dette vart også sluttresultatet. Selje vann til slutt ein fortent seier, men Askvoll/Holmedal hang godt med i store delar av kampen, men skapte ikkje så mange store målsjansar. 

Seljetrenar Idar Taklo var fornøgd med seieren. "Vi vinn fortent, og har god kontroll defensivt. Vi slit litt med å få flyt og presisjon i pasningsspelet, men vi scorar fem mål og tek tre poeng", seier Taklo. 

Dagens Seljespelar (kåra av jury): Ole Andreas Solheim

Publikumstal: 91

Seljes lag: Tom-Øyvind Solheim, Martin Hove, Espen Nøstdal, Andre Kupen, Joachim Refvik, Kennet Honningsvåg (Kristoffer Nøstdal frå 65.min), Kenneth Pedersen, Runar T. Aarsheim, Kristoffer Hove (Aleksander Kvernevik frå 77.min), Ole Andreas Solheim, Endre Kupen.

Selje låg under 2-0 før halvtimen var spelt. Men Gaute Otnes reduserte på eit velplassert skot etter 32min, og Runar Aarsheim utlikna til 2-2 to minutt seinare etter eit flott angrep.

Men Syril gjekk opp til 3-2 etter berre eit minutts spel i 2.omgang. Endre Kupen utlikna til 3-3 på frispark midt i  2.omgang. Etter 78.min skjedde ein ny blunder i Seljeforsvaret og Syril gjekk opp til 4-3. Selje hadde nokre store sjansar på slutten av kampen, med bl.a. redning på strek og stolpeskot. Men det ville seg ikkje og dermed vart det eit surt tap på Syril-grusen.

"Vi var det førande laget i store deler av kampen, så dette var ein kamp som vi normalt skulle vunne. Men vi vart hardt straffa for dei personlege feila våre og dermed vart det til slutt tap," seier Seljetrenar Idar Taklo.

Seljes lag: Tom-Øyvind Solheim, Gaute Otnes, Andre Kupen, Martin Hove, Kristoffer Hove, Aleksander Kvernevik (Werner Kupen frå 55min), Frode Nøstdal (Kristoffer Nøstdal frå 85min), Ole Andreas Solheim, Runar T. Aarsheim (Kennet Honningsvåg frå 73min), Endre Kupen, Kenneth Pedersen.

Som i forrige kamp mot Eid2, kunne Selje mønstre nesten fulltallig tropp i denne kampen. Selje opna friskast, og hadde eit lite overtak dei fyrste 10-15minutta. Men det vart ein jamnspelt fyrste omgang, med berre halvsjansar til begge laga. Selje kunne likevel gå i garderoben med 1-0 leiing. I det 44min fekk Ole Andreas Solheim ballen ca. 40meter frå mål. Han såg at Skavøypollkeeper Yngve Furnes stod langt ute, og sende i veg ein perfekt lobb rett i mål. Flott scoring! 

Publikum fekk eit gledeleg gjensyn med Kennet Honningsvåg, som kom inn etter pause. Kennet som har vore borte frå fotballen sidan den stygge ankelskaden i januar, gjorde eit godt comeback i Seljetrøya.

Andre omgang vart også jamn. Men det var Selje som scora etter 58min. Eit langt oppspel som Kenneth Pedersen heada bakover, nådde Endre Kupen på 20 meter, som klarte å få kontroll og tre ballen igjennom fleire Skavøypoll-forsvarar, før han avslutta med skot rett i mål. Flott scoring igjen!

Men kampen var på ingen måte avgjort. Skavøypoll kom i løpet av dei neste minutta til 3-4 store sjansar. Fyrst kjempesjanse og skot rett utanfor stanga frå skrått hald etter 62min. Eit minutt seinare er Skavøypoll heilt gjennom og skyt frå 6-7 meter. Men Seljekeeper Tom-Øyvind Solheim, som var solid og sikker som banken i dag, redda med ei strålande fotparade og ut til corner. Nokre minutt etter ny stor Skavøypollsjanse og skot rett utanfor stanga. Selje var heldige i denne perioden som ikkje fekk mål i mot, for då kunne utfallet av kampen fort blitt annleis. 

Selje måtte ta ut to av sine beste spelarar pga skade etter 70. og 74min, Ole Andreas Solheim og Endre Kupen. Men innbyttarane gjorde jobben og Selje greidde å halde unna. Kenneth Pedersen hadde eit flott dribleraid inni sekstenmeteren, og kom nesten til avslutning etter 77min.

Selje punkterte kampen etter corner i det 78.min. Corneren kom ut i målfeltet, Kristoffer Nøstdal knalla til på heil volley, men Yngve Furnes varta opp med ei kjemperedning og fekk slått ballen ut i feltet igjen. Men der stod Andre Kupen, som spelte ein god kamp i midtforsvaret i dag, og heada ballen i mål. 3-0 til stor jubel frå heimepublikummet.

Etter 95min spel bles dommar Per Olav Erikstad av kampen, og Selje kunne juble for 3-0, tre nye poeng og 2.plass på 4.div.tabellen. Kampen var jamnspelt i dag, og resultatet kunne fort blitt annleis, men det var Selje som greidde å score.

Dagens Seljespelar (kåra av jury): Ole Andreas Solheim

Publikumstal: 157

Seljes lag: Tom-Øyvind Solheim, Martin Hove, Andre Kupen, Espen Nøstdal, Kristoffer Hove, Frode Nøstdal, Ole Andreas Solheim (Kristoffer Nøstdal frå 70.min), Runar T. Aarsheim (Kennet Honningsvåg frå 45.min) , Kenneth Pedersen (Alexander Hove frå 90.min), Werner Kupen, Endre Kupen (Joachim Refvik frå 75.min).

Selje IL arrangerte Tine-Fotballskule for 5.gong i år. Fredag kveld og laurdag kunne ca. 120 spelarar frå 7-15 år boltre seg på Selje Idrettspark. Også vergudane smilte til oss. Regnveret stoppa akkurat ved start på fredag, og laurdag vart det sol ut på dagen. Alt i alt ein svært vellukka fotballskule, klikk her for å sjå bilder frå helga

                                                                                      pr.03.09.09

Selje som har måtta stille med eit noko redusert lag hittil i haust, kunne i dagens kamp mønstre bortimot fullt mannskap. Men Selje sleit med samhandling, aggresivitet og presisjon i fyrste omgang. Eid 2 scora etter 23. og 28.min spel. Det fyrste på skot i hjørnet av Andreas Bjørhovde Heggedal frå ca. 25m. Det andre ved Geir Moldestad som vart spelt åleine gjennom. Selje hadde få klare sjansar fram til pause. Endre Kupen hadde ei bra avslutning etter 20min, og Runar Aarsheim eit godt skot etter 40min. Men Selje fekk ei vitamininnsprøyting med scoring rett før pause. Endre Kupen dempa ballen på straffemerket og knalla inn redusering til 2-1, etter eit fint angrep og innlegg frå Werner Kupen. 

Det var eit heilt anna Selje-lag som kom på bana etter pause. Gaute Otnes hadde komme inn på høgrebacken, og bidrog sterkt til Selje sin snuoperasjon med glimrande offensivt backspel. Gong etter gong var han med framover og delaktig i ei rekkje flotte Seljeangrep, utan tvil banas beste spelar i 2.omgang. Alt etter 3 min spel utlikna Selje til 2-2. Gaute Otnes starta på back, spelte fram Werner Kupen, som la inn til Kenneth Pedersen (gledeleg comeback i Seljedrakta, etter å ha kome på utlån frå Flatraket denne veka) som scora sikkert.

Eit minutt seinare hadde Kenneth Pedersen ein ny bra sjanse, etter innlegg frå Endre Kupen, men skotet gjekk over. Etter 56min la Gaute Otnes ein perfekt innsvingar på baksida av Eid-forsvaret. Kenneth Pedersen sitt skot gjekk rett utanfor stanga. Ny stor Selje-sjanse i det 62min då Werner Kupen vart spelt åleine gjennom på kant. I det 63min vart Kenneth Pedersen halden i trøya, og dommaren peika korrekt på straffemerket. Frode Nøstdal scora sikkert og Selje hadde snudd til 3-2 leiing.

Selje hadde dominert etter pause, men etter scoringa slepte dei Eid 2 meir inn igjen i kampen. Selje burde nok ha punktert kampen på fleire gode sjansar, men når så ikkje skjedde vart det spennande heilt inn. Gaute Otnes hadde m.a. eit fantastisk dribleraid etter 80min, og avslutta med skot via keeper i stolpen og ut. Endre Kupen burde scora etter 85min åleine mot keeper, men avslutta for tidleg og keeper redda. Etter 91 min skaut fyrst Andre Kupen rett på keeper, Endre fekk returen og igjen rett på keeper. Eid 2 var også med på notane i andre halvdel av 2.omgang, men det var Selje som kunne juble for 3 nye poeng.

Seljes lag: Tom-Øyvind Solheim, Joachim Refvik (Gaute Otnes frår 46.min), Martin Hove, Espen Nøstdal, Kristoffer Hove, Ole Andreas Solheim, Frode Nøstdal, Runar T.Aarsheim (Andre Kupen frå 72.min), Endre Kupen, Kenneth Pedersen, Werner Kupen.   

Dei fyrste minutta var jamnspelte, men Sandane tok etter kvart meir og meir over. Men ein god Seljekeeper Tom-Øyvind Solheim hindra scoring med fleire fine redningar. Etter 33min spel trilla Mads Wie ballen inn i det opne målet, etter ei uheldig klarering og 0-1. Ruben Wie scora i det 43min etter dårleg forsvarsarbeid. Begge scoringa var unødvendige, men Sandane hadde hatt fleire andre sjansar før pause og leia fortent. Selje skapte lite av klare målsjansar.

Etter 51min igjen ei god redning av Tom-Øyvind Solheim, etter skot frå kort hald. Selje hadde ein bra dobbelsjanse etter corner i det 54min. I det 59min vart ballen spelt langt og høgt mot keeper. Andre Kupen gjekk oppi duellen, og ballen datt ned i beina på Runar T. Aarsheim, som banka inn redusering til 1-2 frå 11-12meter. Det verka som Selje hadde fått igjen trua på poeng etter dette, og trykte bra på ein periode. Joachim Refvik hadde m.a. ei bra avslutning frå skrått hald, men keeper redda. Men Sandane heldt unna, og punkterte kampen i det 76min med ei ny scoring av Mads Wie.

Sandane var i periodar, særleg i fyrste omgang, mykje betre enn Selje og vann ein fortent seier. "Vi tapte mot eit betre lag i dag, sa Seljetrenar Idar Taklo etter kampen. Dessverre mangla vi også i dag sentrale spelarar, men frå neste veke av ser det lysare ut. Det er mange kampar igjen, og eg trur vi skal plukke bra med poeng framover."

Seljes lag: Tom-Øyvind Solheim, Kristoffer Nøstdal, Martin Hove, Espen Nøstdal, Joachim Refvik, Ole Andreas Solheim, Kristoffer Hove, Runar T. Aarsheim, Aleksander Kvernevik (Ken Olav Kupen etter 55min) , Frode Nøstdal, Andre Kupen.

Dagens Seljespelar (kåra av jury): Ole Andreas Solheim

Publikumstal: 104

# veke 36, kampen til J11/12 mandag 31 august må flyttast på grunn av 11-ar kampen.

# veke 37 kampen til J11/12 torsdag 10 sept må flyttast på grunn av 11-ar kamp, kan vere nok å flytte denne til 17.30 samme dag.

# veke 38 kampen til J11/12 torsdag 17 sept må flyttast til anna tid og/eller dag pga .3 kampar

# veke 40 kampen til G11 torsdag 1 okt må flyttast til anna tid og /eller dag

Oppmenn på laga er ansvarlege for flytting og å melde endringane til Anne Britt 95844684 J

Dommarane skal , dersom dei byttar men nokon, melde endringane til Anne Britt 95844684 J

Endringane vert lagt inn på heimesida vår etterkvart J

X guttekampen i veke 42  , 29 sept. skal spelast på Stadlandet !!

# veke 36, kampen til J11/12 mandag 31 august må flyttast på grunn av 11-ar kampen.

# veke 37 kampen til J11/12 torsdag 10 sept må flyttast på grunn av 11-ar kamp, kan vere nok å flytte denne til 17.30 samme dag.

# veke 38 kampen til J11/12 torsdag 17 sept må flyttast til anna tid og/eller dag pga .3 kampar

# veke 40 kampen til G11 torsdag 1 okt må flyttast til anna tid og /eller dag

Oppmenn på laga er ansvarlege for flytting og å melde endringane til Anne Britt 95844684 J

Dommarane skal , dersom dei byttar men nokon, melde endringane til Anne Britt 95844684 J

Endringane vert lagt inn på heimesida vår etterkvart J

TINE-fotballskule vert i år arrangert rundt om i Norge med ca. 70.000 barn og unge som deltek. TINE-fotballskule har fokus på fysisk aktivitet, sosialt fellesskap, trivsel, meistring og sunt kosthald.

Selje IL, Fotball arrangerer i år fotballskule for 5.gong. Dei siste par åra har arrangementet samla ca. 130 deltakarar frå heile kommunen. Vi har igjen gleda av å invitere til:

SELJE TINE-FOTBALLSKULE

fredag 4. september kl. 17.30-20.30

lørdag 5. september kl. 12.00-16.00

Alder: Gutar og jenter frå 7 år (2.klasse, f.2002) til og med 15 år (10.klasse, f.1994)

Pris: kr. 200,- pr. spelar som inkluderer flotte Tine-premiar og matservering. I tillegg får alle deltakarar iført Tine t-skjorte, gratis adgang på 4.div.kamp Selje-Skavøypoll søndag 6.september kl.15.00.

Innhald: Spelarane vert inndelte etter alder i gute- og jentegrupper. Ulike aktivitetar og morsomme og lærerike øvingar med ball. Eigen keeperskule. Fotballskulen vert avslutta med turnering.

Dette blir gøy! Foreldre og andre er velkomne til stadion og kose seg i lag med barna. Åpen kiosk begge dagar.

Påmelding: I tillegg til våre eigne spelarar, inviterer vi også spelarar frå Stadlandet IL og Flatraket IL til fotballskulen.

Påmeldingsfrist seinast innan fredag 28.august! Hugs å skrive namn, fødselsår og mobiltlf. på påmeldinga. Har du mailadresse skriv på den også. Skriv også om du ynskjer å vere på spelargruppe eller keepergruppe.

Påmelding: e-mail: ninarefvik@hotmail.comeller tlf./SMS til: 47 86 18 92

Info. og oppdateringar, følg med på vår heimeside: www.seljefotball.no

…………………………………………………..............................................

Påmeldingsskjema Selje Tine-fotballskule 2009

Påmeldingsfrist: fredag 28.august!

Selje opna best dei fyrste 10 minutta. Såleis fekk laget ein litt uheldig start då Dale gjekk opp til 1-0 alt etter 7min spel. Denne scoringa var tvilsam, då ballen vart sparka ut av hendene til Seljekeeper Tom-Øyvind Solheim. Dale tok over spelet utover omgangen og scora igjen i det 27. og 40. min., og dermed 3-0 til pause.

Selje starta bra også i 2.omgang og var godt med i kampen. Vi kom til mange avslutningar i dag og ei rekkje halvsjansar, men vi var ikkje kvasse nok i det avgjerande trekket, sa Seljetrenar Idar Taklo. Vi hadde nokre store målsjansar i løpet av kampen, og kunne fort scora 2-3 mål i dag. Men det skal også seiast at Dale kunne putta på fleire, seier Taklo.

Dale gjekk opp til 4-0 i det 84 min. og tok dermed ein klar seier mot Selje. Dale var betre enn oss i dag, og framstod som eit godt lag, seier Idar Taklo.

Trass i tapet, fann Seljetrenar Idar Taklo likevel ting å glede seg over. Eg synest eigentleg at vi leverer ein kamp over pari ut frå utgangspunktet. Vi mangla mange faste spelarar i dag, og hadde berre 12 mann med oss til Dale. Spelarane skal ha ros for at dei stod på og jobba godt. Kjekt å ha Kristoffer Hove med oss igjen. Vi hadde marginane litt i mot oss på dei to fyrste måla, men vi hang bra med i kampen, seier Idar Taklo.

Dale var som forventa sterke på heimebane, og dette var ein kamp som vi "hadde råd til å tape", seier Taklo. Mannskapssituasjonen vil venteleg betre seg i løpet av veka, og eg trur vi skal plukke bra med poeng utover, avsluttar Seljetrenaren.

Seljes lag: Tom-Øyvind Solheim, Saron Osmundsvåg, Kristoffer Hove, Espen Nøstdal, Joachim Refvik, Ole Andreas Solheim, Runar T. Aarsheim, Kristoffer Nøstdal, Aleksander Kvernevik, Endre Kupen, Anders D. Rekdal (Alexander Hove frå 67min). 

I vårkampen leia Selje 1-0 og såg ut til å klare å hale i land sigeren. Men sekundar før kampslutt, utlikna Dale til 1-1...... Etter dette var Dale suverene i vårsesongen og gjekk frå siger til siger, og leiar 4.div. med 34 poeng. Selje har også hatt ein god vårsesong, og står med 23 poeng og 3.plass på tabellen, eit poeng bak Askvoll/Holmedal. 

Til fredagens kamp manglar fleire sentrale spelarar pga. sommarferie, jobb m.m. Selje stiller difor ein liten tropp til denne kampen. Gledeleg er det at Kristoffer Hove igjen er klar for spel i Selje-drakta, etter å ha spelt for Herd 3.div. i vårsesongen. Heia Selje.........!

I fint sommarver var Selje klar for å vise seg fram frå ei betre side enn forrige onsdag, då laget skuffa stort i 2-2 kampen mot Saga. Starten av 1.omgang var jamnspelt. Førde 2 hadde ein god sjanse etter 6min med skot like utanfor. Werner Kupen skaut hardt på keeper etter 10 min, og Aleksander Kvernevik skaut i stolpen og ut etter 15 min. Selje hadde no festa eit bra grep om kampen og skapte mange sjansar som kunne gitt utteljing. Ole Andreas Solheim lada kanona etter 20 min, men skotet gjekk like utanfor.

Etter 28min spel lukkast det endeleg. Ole Andreas "Oen" Solheim drog seg fri på kanten av sekstenmeteren og skaut hardt med venstrefoten i hjørnet. 1-0 til heimelaget. I det 35min sende same spelar avgarde eit knallhardt frispark som keeper så vidt fekk slått til corner. Ny stor sjanse etter 40 min. Igjen etter frispark frå Oen, Joachim Refvik var like ved å sette returen i mål. Dermed gjekk laga til pause med 1-0 leiing til Selje. Selje burde leia meir etter spel og sjansar. Førde hadde berre sporadisk vore på farlege visittar framfor Seljemålet.

Etter 10min spel i 2.omgang vart Aleksander Kvernevik dytta i ryggen innanfor 16meteren, og dermed straffe.  Den sette Gaute Otnes i mål via stolpen, og 2-0 til Selje. No losna det skikkeleg for heimelaget, som pøsa på framover. Berre tre minutt seinare drog Ole Andreas Solheim seg igjen fri ved sekstenmeteren, og skaut hardt i motsett hjørne. Dermed 3-0 til Selje. I det 59min vart Gaute Otnes spelt gjennom midtforsvaret. Han sette ballen ved sida av keeper frå 10-11 meters hald. 4-0 til Selje.

Eit minutt seinare "søv" Seljeforsvaret, og Førde 2 kom gjennom og scora åleine med Seljekeeper Tom-Øyvind Solheim etter 60min. Selje kom no inn i ein rufsete periode, og Førde 2 heldt nesten på å score etter ein forsvarstabbe i det 32 min. Men Tom-Øyvind Solheim rykka ut og fekk avverga til corner. Selje fekk justert laget og omrokkerte litt, og fekk etter kvart igjen kontroll over kampen. Dei siste minuttane pressa Selje på, og fekk løn for strevet etter 89min spel. Alexander Hove fekk lagt inn framfor mål, Aleksander Kvernevik tok ned ballen og skaut kontrollert i mål. Dermed kunne Selje innkassere ein velfortent og klar 5-1 seier i siste kamp før ferien.

Heile laget løfta seg i denne kampen og viste vilje til å vinne. Eit ekstra pluss til Ole Andreas Solheim, Gaute Otnes og Tom-Øyvind Solheim. Denne kampen var fyrste haustkampen, og Selje tek no sommarferie med 3.plass på tabellen.

Dagens Seljespelar (kåra av jury): Ole Andreas "Oen" Solheim

Tilskodartal: 88

Seljes lag: Tom-Øyvind Solheim, Joachim Refvik, Martin Hove, Andre Kupen, Jon-Aage Riksfjord (Alexander Hove frå 79min), Gaute Otnes, Runar T. Aarsheim, Kristoffer Nøstdal (Anders D. Rekdal frå 67min), Aleksander Kvernevik, Werner Kupen (Øystein Austring frå 85min), Ole Andreas Solheim. 

Etter tre bortekampar på rad med til dels bra prestasjonar, såg ein med forventning fram til heimekamp igjen. Men det skulle ikkje gå slik som ein håpa denne fine sommarkvelden.

Fyrste omgang var jamnspelt, og det var greitt at laga gjekk til pause på stillinga 2-2. Endre Kupen ordna fyrst 1-0 leiing etter 20min. Utlikninga kom berre 5 min seinare, ei lettkjøpt scoring som burde vore avverga.

Etter 45min vart Andre Kupen dytta i feltet etter ein corner. Dommar Ragnar Åmot peika på straffemerket. Straffa sette Endre Kupen knallhardt i hjørnet og 2-1. To minutt på overtid greidde Saga igjen å utlikne. Ei dårleg klarering og påfølgjande forsvarsarbeid, førte til eit noko heldig mål som burde vore unngått.

For dei som håpa på eit betre Seljelag i 2.omgang, vart grundig skuffa. Fyrste omgangen hadde vore svak, andre omgang vart ei katastrofe. Lite klaffa denne kvelden. Verken pasningar, bevegelsar eller innsats var som det skulle. Det stemte ikkje i nokon lagdelar og det kollektive samspelet fråverande. Saga vann mest duellar og ville mest utover kampen. Dei skapte etter kvart fleire bra sjansar, og det hadde ikkje vore noko å sagt på om dei hadde fått utteljing og teke med seg alle poenga heim.

På eit skuffande svakt heimelag var Endre Kupen bestemann. Keeper Tom-Øyvind Solheim rydda godt opp, og på midtbana var Ole Andreas Solheim hakket betre enn resten.

Selje har ny heimekamp neste onsdag kl.19.00 mot Førde 2. Då bør laget vise seg frå ei betre side enn tilfellet var i kveld.

Dagens Seljespelar: Endre Kupen

Tilskodartal: 89 

Seljes lag: Tom-Øyvind Solheim, Joachim Refvik, Martin Hove, Runar Nøstdal, Gaute Otnes, Ole Andreas Solheim, Kristoffer Nøstdal (Andreas Teigen frå 70min), Runar T. Aarsheim, Espen Nøstdal, Andre Kupen, Endre Kupen.

Andre reservar: Anders D. Rekdal, Øystein Austring

Selje vann 4-2 borte mot Lærdal på laurdag, etter 1-1 ved pause. Frode Nøstdal utlikna til 1-1 like før pause. Endre Kupen vart dagens spelar med sine tre scoringar.

Seljetrenar Idar Taklo var ikkje fornøgd etter 1.omgang, der Selje var heldige som kunne gå til pause på stillinga 1-1. Men Selje nytta pausen godt og la litt om på laget til 2.omgang. Det gav raskt resultat. Selje var best i denne omgangen og skapte mange sjansar i tillegg til måla.

Idar Taklo var svært fornøgd etter kampen og glad for ein ny seier. "Heile laget løfta seg og vi gjorde ein svært bra 2.omgang. Endre Kupen var fantastisk i dag, med sine tre scoringar. Ellers vil eg trekkje fram midtbana vår med Frode Nøstdal og Ole Andreas Solheim", seier Idar Taklo. 

Seljes lag: Tom-Øyvind Solheim, Andreas Teigen (Espen Nøstdal frå 46min), Andre Kupen, Martin Hove, Gaute Otnes, Frode Nøstdal, Ole Andreas Solheim, Runar T. Aarsheim (Saron Osmundsvåg frå 75min), Kristoffer Nøstdal, Joachim Refvik, Endre Kupen (Anders D. Rekdal frå 85min).

Du finn resultat, tabellar, bildegalleri m.m. ved å gå inn på Seljecup si heimeside: www.seljecup.no

Selje trykte skikkeleg på fyrste kvarteret og hadde mange dødballar og pressa Askv./Holmedal bakover. Men det var heimelaget som scora. Litt unødvendig mål i mot som vi burde stoppa før det kom til innlegg, meinte trenar Idar Taklo.

Det vart ein jamn kamp utover, med spel og sjansar til begge lag. Mot slutten av kampen trykte Selje på for å få utlikning, men det ville seg ikkje. Endre Kupen hadde nokre avslutningar, og spelte ein kanonkamp, men klarte ikkje sette prikken over i-en med ei scoring. I perioden då Selje trykte på framover åpna det seg rom for Askv/Holmedal, som hadde nokre farlege overgangar.

"Eg synest vi hadde fortent poeng i dag. Vi hadde mange sjansar og fleire avslutningar frå 18-20 meter, men det ville seg ikkje. Marginane var ikkje med oss. Vi hadde ikkje heilt dagen, fleire av spelarane sleit med uvant underlag og med skader. Men gutane skal ha honnør for upåklageleg innsats", sa trenar Idar Taklo etter kampen.  

"No er det berre å brette armane opp til neste helg og satse på seier då", seier Idar Taklo.

Seljes lag: Tom-Øyvind Solheim, Andreas Teigen, Martin Hove, Runar Nøstdal, Joachim Refvik, Frode Nøstdal, Ole Andreas Solheim, Aleksander Kvernevik, Runar T. Aarsheim, Endre Kupen, Andre Kupen.

Reservar: Saron Osmundsvåg (etter 60min Aleksander Kvernevik), Alexander Hove (etter 89min Runar T. Aarsheim).     

Selje vann i dag 2-0 på heimebane mot Syril, etter to scoringar i fyrste omgang..........Les under og sjå referat/bilder på www.haugenfotball.no

Foto: ©Stig Høynes, www.haugenfotball.no

Selje vann etter to flotte scoringar av Ole Andreas Solheim i det 37. og 43.min.   

Seljetrenar Idar Taklo var glad etter seieren i dag. "Alt i alt synest eg vi vinn fortent, sjølv om Syril var godt med i kampen. Det måtte gjerast store endringar både i forsvarsrekka og angrep fordi vi mangla spelarar. Eg er imponert over kor godt dei nye som kom inn løyste oppgåvene sine, bl.a. Saron Osmundsvåg på back. Dette var igjen ein stor lagseier. Eg vil likevel gje eit ekstra pluss til tomålsscorar Ole Andreas og Frode på midtbana", seier Idar Taklo. 

Seljes lag: Tom-Øyvind Solheim, Andreas Teigen, Runar Nøstdal, Espen Nøstdal, Saron Osmundsvåg, Runar T. Aarsheim (Anders D. Rekdal etter 73min), Frode Nøstdal, Kristoffer Nøstdal, Aleksander Kvernevik, Ole Andreas Solheim, Joachim Refvik.

Andre reservar: Alexander Hove, Joachim L. Træet

Dagens Seljespelar (kåra av jury): Ole Andreas Solheim

Publikum: 129

Stig Høynes dekka kampen, så i dag nøyer vi oss med å vise vi til referat og bilder på www.haugenfotball.no    

Foto: ©Stig Høynes, www.haugenfotball.no

Foto: ©Stig Høynes, www.haugenfotball.no

Skavøypoll-Selje enda 1-1, etter 0-0 ved pause. Poengdeling var eit greitt resultat ut frå spel og sjansar....

Selje heldt på å få ein kanonstart på kampen då Andre Kupen kom åleine med keper etter 30 sekund spel, men skotet vart avverga av Skavøypollkeeper Yngve Furnes. Andre fekk ein stor sjanse til i 1.omgang, og Endre Kupen knalla ballen i stolpen og ut. Men Skavøypoll var også nær scoring med eit skot i tverrliggaren. 

2.omgang vart også jamnspelt med sjansar til begge lag. Skavøypoll kom i føringa etter 67min etter corner, der avslutninga så vidt gjekk over streken. Men Selje utlikna til 1-1 i det 74min. Igjen kom scoringa etter corner. Andre Kupen satsa alt på corneren frå Endre, og heada ballen knallhardt i mål på fyrste stolpe.

Skavøypoll trykte på mot slutten av kampen, og hadde fleire dødballar som var farlege. Selje redda mellom anna på strek og fekk avverga scoring. Men kampen ebba ut med 1-1 og poengdeling.

Seljetrenar Idar Taklo var fornøgd med eit poeng på bortebane. "Selje var eit lite strå kvassare i 1.omgang og hadde flest store sjansar. Men Skavøypoll var hakket betre enn oss i 2.omgang. Difor var det greitt med poengdeling i dag", seier han.

Idar Taklo gir honnør til heile laget for flott innsats. Tom-Øyvind Solheim stod ein god kamp i mål, til liks med Skavøypoll sin keeper. "Banas gigant" meiner eg likevel var Ole Andreas Solheim, som spesielt i fyrste omgang brilijerte, seier Idar Taklo. 

Seljes lag: Tom-Øyvind Solheim, Andreas Teigen, Martin Hove, Jon Aage Riksfjord, Joachim Refvik, Ole Andreas Solheim, Kristoffer Nøstdal, Espen Nøstdal (Saron Osmundsvåg frå 60min), Anders D. Rekdal, Endre Kupen, Andre Kupen.

Andre reservar: Alexander Hove

Sjå også bilder og kampfakta på www.haugenfotball.no

17.mai vart ein festdag i strålande sommarver. Selje IL stilte som vanleg i flaggborga, og A-lagsspelar Andreas Teigen heldt 17.maitalen.....

(Foto: Håkon Eltvik)

Lengst framme i 17.maitoget med Selje IL fana: Kjell-Magnar Flølo og "duskedamer" Susanne Vatnehol og Beate Hove. Bak kjem 12 spelarar frå Selje IL sine lag med flagg. Så følgjer toget på rekkje og rad med drill, skulekorps, barnehage, skuleklasser og alle andre....

Andreas Teigen, som spelar på Selje sitt A-lag, heldt 17mai-talen i år. Ein flott og reflektert tale! Andreas trekte mellom anna fram kor viktig fritidsaktivitetar som fotball og korps hadde vore og er for han. Han talte varmt om alt det frivillege arbeidet som vert lagt ned i bygda, for å skape aktivitetar og positive ting å vere med på for barn og unge.  

Vi fekk også høyre frå det året han var i Kongens garde, og frå Danmark der han tek fysioterapi-utdanning.   

Fyrste omgang var jamnspelt, og det var sjeldan farleg framfor måla. Selje skuffa og var verken aggresive eller fekk noko flyt i spelet. Dermed 0-0 til pause.

Selje kom langt betre i gong i 2.omgang. Alt etter 2min vart Werner Kupen riven ned i måfeltet og straffe til Selje. Straffa sette Endre Kupen sikkert i mål. Dei neste 15-20 minutta var Selje skikkeleg på hogget og spelte god fotball. Etter 10minutt var det klart for 2-0. Werner Kupen fekk fri bane mot mål og scora sikkert. Mange trudde at heimelaget no kom til å fosse på framover, men slik gjekk det ikkje. I staden kom Eid 2 etter kvart med i kampen igjen, men utan å skape dei heilt store sjansane.

Kampen såg ut til å gå mot 2-0, men i kampens siste minutt skaut Endre Kupen rett på keeper som gav retur. Der stod Andre Kupen på 6-7 meter og heada over keeper og i mål. Dermed 3-0 til Selje.

Trenar Idar Taklo var mest fornøgd med tre nye poeng, og med ein respektabel andre omgang. Ellers spelte ikkje Selje nokon stor kamp, men vann til slutt fortent, seier Idar Taklo. 

Seljes lag: Tom-Øyvind Solheim, Joachim Refvik, Martin Hove, Andre Kupen, Andreas Teigen, Ole Andreas Solheim, Aleksander Kvernevik (Jon Aage Riksfjord etter 45min), Kristoffer Nøstdal, Runar T. Aarsheim, Werner Kupen (Anders D. Rekdal etter 88min), Endre Kupen.  

Andre reservar: Espen Sandviknes

Dagens Seljespelar (kåra av jury): Ole Andreas Solheim

Tilskodarar: 142